حصريا خبز الدار بالفرينة خفيف

السلام عليكن اليوم حبيت نقدملكم خبز الدار بطريقتي الخاصة
صدقوني هاد الخبز خفيف جدا جدا ومايتشبعش يبان مسكوتة وزيد يحمر الوجه ويتناسب مع العرضات والعزومات نتمنى تطبقوه وتردولي وانشاء الله نشوف تطبيقاتكم في القريب العاجل

المقادير
في صحن كبير ديري ثلاث بيضات مع نص كاس اينوكس زيت وملعقة كبيرة خميرة خميرة الخبز ومغرف ملح ومغرف كبيرة ونصف سكر زيدي فوقهم كاس وثلاث ارباع حليب سائل دافي وربع الكاس ماء زهر يعني زوج كيسان اينوكس بين الحليب وماء الزهر واللي ماتحبش ماء الزهر تعوضو بالحليب يعني زوج كيسان حليب
خلطي الكل مليح مليح بالباتور


وزيدي 1كلغ بالضبط فرينة من دون زيادة ولا نقصان وزيدي 1خميرة نتاع القاطو ومغرف ثانية من خميرة الخبز



خلطي من غير ماتعجني بملعقة خشبية رح تتحصلي على عجينة تلصق خليها في نفس الصحن
وغطيه بكيس ثم منشقة
وخلي العجينة تتخمر نصف ساعة في مكان دافيء
ادهني زوج سنيوات نتاع الفرن بالزبدة وادهني يدك مليح بالزيت واقسمي العجينة على السنيوات الزوج

زيدي ادهني يدك وحلي العجينة في السنيوة حتى تولي قيسها سقميها مليح راهي تاخد شوية وقت لان العجينة طرية بزاف وايلاستيك

ادهني الوجه بصفار البيض ورشي الجلجلان والسينوج

زيدي خليها تتخمر مرة تانية ربع ساعة في مكان دافء وهدا امر مهم ويعمل فرق ثم انقبي القرصة بفرشيطة ودخليها تطيب
ماتاخدش وقت كثير
ومبعد قدميه
وبالصحة والعافية
ادعولييييييييييييييييييييييييييييييييي
ومتنساوش الردود

يعطيك اصحة يا دنيا
    تسلميلي خبز الدار هو الاهم في رمضان خاصة

mm momtaz ya donia mrc